Во вторник одлука дали ќе се прогласи епидемија на морбили во цела држава
Минатата недела биле регистрирани 126 заболени со мали сипаници, што е најголем број досега. Од нив 57 се од Скопје. Меѓу заболените имало и бремени жени, а една трудница го изгубила плодот во шестиот месец од бременоста откако се заразила со морбили. Досега од мали сипаници се разболеле и над 100 здравствени работници.
Министерот за здравство Венко Филипче вели дека бројките не се изненадување и дека епидемиолозите тоа го предвиделе. Тој вели дека се подготвени капацитетите на Инфективната клинка и еден оддел од детска болницата Козле.
„Кога вирусот е веќе тука, треба да изгори за епидемијата да спласне“, вели министерот.
В вторник Комисијата за заразни болести ќе одлучува дали ќе прогласат епидемија во цела држава. Надлежните апелираат луѓето да се вакцинираат.Од почетокот на епидемијата се регистрирани 960 случаи на заболени од морбили.