Порошенко ќе оди на дебата на стадион, но можеби ќе дебатира сам

Украинскиот претседател Петро Порошенко, кој е во трка за уште еден мандат, најави дека утре ќе присуствува на Олимпискиот стадион во Киев каде е предвидено да се одржи дебата за претседателските избори. Неговиот противкандидат Володимир Зеленски можеби нема да присуствува на дебатата.


Порошенко ќе се соочи со Зеленски во вториот круг од претседателските избори закажани за 21 април. Зеленски во првиот круг освои најмногу гласови, а анкетите покажуваа дека тој ќе биде победник на изборите.



Двајцата кандидати се согласија да одржат дебата, но не се согласија за тоа кога да биде тоа. Зеленски сака дебата на 19 април, а Порошенко сака да се одржи на 14 април.



Од Стадионот потврдија дека добиле барања за одржување на дебати и на 14 април и на 19 април, оставајќи ја можноста секој кандидат да се појави на својот датум и да зборува само со поддржувачи.