Поплавите во Иран предизвикале штета од 2,5 милијарди долари
Врховен лидер на Иран ајатолахот Али Хаменеи одобри прераспределба на 2 милијарди долари од Националниот фонд за развој на земјата, за помош и реконструкција по катастрофалните поплави. Владата соопшти дека поплавите предизвикале штета на патишта, мостови, домови и обработливо земјиште во вредност од околу 2,5 милијарди долари.
При последните поплави во Иран загинаа најмалку 76 луѓе, додека над 200 илјади биле сместени во засолништа за итни случаи. Ајатолахот побара од Владата да разгледа идруги буџетски ставки за нивна пренамена со цел реконструкција на оштетената инфраструктура.