Инстаграм против ширењето лажни вести за вакцините
Веќе се блокирани хаштаговите, кои сами по себе се неточни тврдења како #vaccinescauseautism (вакцините предизвикуваат аутизам). Компанијата соопшти дека сега ќе блокира уште хаштагови, кои таканаречените антиваксери ги употребуваат за ширење лаги. Сепак, неколку антиваксерски теми и профили, кои шират дезинформации и лаги, остануваат активни на Инстаграм.
Претставници на платформата за Би-Би-Си изјавија дека нема да преземат акции против луѓе и профили кои се самоопределуваат како антиваксери, но дека се стремат да ограничат ширење на лажни тврдења, затоа што, како што велат, тие имаат опасни последици во реалниот свет и во општеството.