Пендаровски се сретна со шефот на мисијата на ОБСЕ
Претседателот Стево Пендаровски, денеска го прими шефот на мисијата на ОБСЕ во Скопје, амбасадорот Клеменс Која. На средбата, според соопштението, биле разменети мислења за севкупните состојби во земјата, како и за улогата и поддршката на ОБСЕ.
Пендаровски истакнал дека земјата е целосно посветена на реформската агенда и очекува натамошна успешна соработка со ОБСЕ во реализацијата на активности во повеќе области од интерес на напредокот на државата, особено во областа на владеење на правото.
Пендаровски посочил и на улогата и придонесот на мисијата на ОБСЕ / ОДИХР во изборните процеси во изминатите години, вклучувајќи ги последните претседателски избори. Која упатил честитки до Пендаровски за стапувањето на функцијата и ја истакнал натамошната подготвеност на ОБСЕ да соработува со институциите в оземјата.