Новости за 10.04.2018

Извршениот директор на Фејсбук Марк Закерберг призна дека неговата компанија била пребавна во реагирањето на руското мешање во американските избори и се извини за скандалот со приватните податоци на корисниците кои биле собирани без нивна согласност. „Го основав Фејбук, управувам со него и јас сум одговорен за она што се случува“, наведе тој во изјавата што ја прочита пред Комитетот за енергетика и трговија на Претставничкиот дом на американскиот Конгрес. Закерберг денеска ќе сведочи пред надзорниот комитет на Сенатот.

Во Собранието на Македонија за денеска се закажани четири пленарни седници и седници на повеќе комисии. На дневен ред ќе се најдат дел од реформските закони од правосудството, меѓу нив за измени и дополнувања на законот за заштита на сведоци, реформскиот закон за судовите и дополнувањата на законот за јавното обвинителство и законот за кривична постапка, во второ читање. За утре се очекува да се одржи седница за гласање доверба на Владата, откако деновиве опозицијата го достави барањето до Собранието. Читать дальше...

Американската амбасадорка во Обединетите нации Ники Хејли изјави во Советот за безбедност дека дојде моментот за правда по нападот со хемсико оружје во сирискиот град Дума. „Дојдовме до моментот кога светот треба да ја види правдата“, изјави таа, наведувајќи дека хемиски напад може да изведе само „чудовиште“. „САД се решени чудовишетото кое фрла хемиски бомби врз сирискиот народ да ги плати сметките“, рече Хејли. На седницата на Советот за безбедност францускиот амбасадор Франсоа Делатр ја обвини Русија за хемискиот напад во Дума. Читать дальше...

Во Кривичниот суд за денеска се закажани рочишта за предметите на СЈО, „Труст“ и „Тенк“. На рочиштето за „Тенк“ треба да бидат слушани цедеата, како и да бидат сослушани тројца сведоци на обвинението и да се презентираат и другите материјални докази. Во предметот „Тенк“ на СЈО обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски, за набавката на луксузниот „мерцедес“ од 600 илјади евра. Читать дальше...

Илјадници Чеси синоќа протестираа во Прага и во 20 други градови во Чешка барајќи новата влада да ја формира некој друг, а не премиерот во оставка милијардерот Андреј Бабиш кој е под кривична истрага за злоупотреба на европските донации. Тој исто така е обвинет дека бил агент на поранешната чехословачка комунистичка тајна полиција. Протестите се организирани како поддршка на петицијата „За пристоен премиер и пристојна влада“. Чесите протестираа и против претседателот Милош Земан кој изјави дека не му пречи кривичната истрага против Бабиш.

Американскиот претседател Доналд Трамп најави брза и енергична акција како одговор на сомневањата за нападот на хемиско оружје во Сирија. Во истовреме Русија предупреди на „сериозни последици“ доколку дојде до западни воздушни удари врз Сирија.

Русија предупреди на „тешки последици“ во случај на западни воздушни удари врз Сирија по нападот со хемиско оружје во сирискиот град Дума што Москва го негира. Рускиот амбасадор во Обединетите нации Василиј Небензја им порача на западните земји да ја напуштат „воинствената реторика“. Според него, во саботата во Дума немало „никаков хемиски напад“ и оти за тоа не постојат докази.

Во Македонија ќе биде сончево со мала до умерена облачност и со слаб јужен ветер. Максималната температура ќе се движи од 17 до 26 степени. Во Скопје и околина слично време со температура до 25 степени.