По една недела од лидерската средба на премиерот Зоран Заев и лидерот на ВМРО-ДПМНЕ Христијан Мицковски, работни групи во дебата за реформските закони кои се услов за преговори со ЕУ, меѓу кои и СЈО. Аналитичарите велат дека постои ризик политичкиот пазар да му наштети на пристапниот процес во ЕУ.
Неколку лица се повредени кога еден маж отворил оган врз патниците во трамвај во холанскиот град Ултрехт. Според првичните извештаи, настанот се случил во 10.45 часот по локално време, а екипи на итната медицинска помош се ипратени на местото на настанот. Полицијата го потврди пукањето. Како што пренесуваат локалните медиуми, полицијата сè уште трага по напаѓачот. На терен се антитерористичките единици и возила на брза помош, а полицијата ги замоли граѓаните да ги ослободат улиците за да може брзата помош да помине.
Во рамки на предистражната постапка која се однесува на невршење распределба на осигуреници во вториот столб од пензискиот систем и неисплата на придонеси во приватните пензиски фондови, Основното јавно обвинителство зело искази од генералниот директор на Фондот за ПИОМ, претставник на Агенцијата за супервизија на капитално финансирано пензиско осигурување (МАПАС), претседателот на Управниот одбор на КБ Првото пензиско друштво и претставник на САВА пензиското друштво. Исто така од МТСП биле доставени... Читать дальше...
И покрај големата поддршка на бројни земји членки на ЕУ за почеток на преговори со нашата земја, во Франција, Холандија и други западноевропски земји сѐ уште постои отпор кон овој процес, изјавил за МИА унгарскиот министер за надворешни работи, Петер Сијарто по појадокот со Никола Димитров и Бујар Османи. Запрашан дали сѐ уште Париз и Хаг покажуваат отпор за почеток на преговори, Сијарто изјавил дека постои„ голем отпор од западноевропските пријатели, оти тие не се толку чувствителни бидејќи се оддалечени од регионот“. Читать дальше...
Има многу реакции на нашата ФБ страница за обидот на српскиот претседател Вучиќ да прави паралели со „македонско сценарио“ во Србија. Во дел од коментарите му предвидуваат дека и тој ќе заврши како Груевски.
Премиерката на Нов Зеланд Џесинда Ардерн, изјави дека владиниот кабинет ги поддржал измените на законот за оружје, по терористичкиот напад во двете џамии, во кој животот го загубија 50 луѓе и многумина се повредени. Крвавиот масакр во петокот предизвика повици за реформи во законот за оружје. По состанокот на владиниот кабинет, Ардерн изјави дека ќе даде детали за реформите до 25 март. „Ова на крајот значи дека во рок од 10 дена од овој ужасен терористички напад ќе објавиме реформи кои, верувам... Читать дальше...
Работните групи кои беа формирани според договорот од последната средба меѓу премиерот Зоран Заев и лидерот на ВМРО-ДПМНЕ Христијан Мицкоски, денеска треба да се состанат во обид да се изнајде заедничко решение околу предлог законот за јавно обвинителство и идниот статус на СЈО. Власта и опозицијата имаат спротиставените ставови особено во однос на иднината на специјалната јавна обвинителка Катица Јанева во СЈО. Мицковски во повеќе наврати кажа дека Јанева за нив е неприфатлива и не може да остане на функцијата... Читать дальше...
Две лица загинале, а неколку се повредени во стампедо од луѓе кое настанало во неделата навечер во дискотека во хотелот „Гринвејл“ во северноирскиот град Кукстаун. Според извештаите, десетици млади луѓе се собрале со цел да го прослават Денот на Свети Патрик, кога, од засега непознати причини, настанало стампедо при што загинале две лица, пренесува британски „Експрес“. Помошник шефот на полицијата на Северна Ирска, Марк Хамилтон, изјавил дека причината за инцидентот е непозната, но постојат индикации... Читать дальше...
Дел од партиските елити од регионот ја плаќаат цената за своите политички кавги, хранејќи ја гладта на Москва за контрола на Балканот, предупредуваат експертите. Но, не е само Кремљ гладен за влијание во регионот. Експертите велат дека во игра се повеќе е и Турција, а молчешкум и Кина.
Претседателот на Србија Александар Вучиќ изјави дека во наредните недели ќе има контакти во врска со доаѓањето на германската компанија Фолксваген за која се натпреваруваат пет земји. „Србија е постабилна, посилна и подобра од сите наши пријателски земји, Бугарија, Романија, Турција и уште една земја кои се борат за Фолксваген“, рече тој, оценувајќи дека учесниците на протестите во Србија работеле против интересите на нивната земја.
По три години жалбeна постапка, Жалбениот совет од механизмот за кривични судови во Хаг на 20 март треба да ја изрече второстепената пресуда против лидерот на босанските Срби за време на војната во Босна и Херцеговина Радован Караџиќ. Тој во март 2016 година, од Судскиот совет на Хашкиот трибунал беше осуден на 40 години затвор поради геноцид во Сребреница и злосторства против човештвото во Босна и Херцеговина, во периодот од 1992 до 1995 година.
Илјадници луѓе деновиве се на улиците во Белград, Подгорица и Тирана. Организирани од опозициските партии нивните главни барања се оставка на владиниот естаблишмент и предвремени избори.
28 годишниот Австралиец Брентон Тарант кој е обвинет за нападите врз две џамии во Нов Зеланд при што загинаа 50 луѓе, додека 40 други се ранети не го прифаќа адвокатот што му го додели судот и изјавил дека тој сам ќе се застапува. „Тој е разумен и не личи на некој кој страда од ментална попреченост. Се чини дека разбира што се случува“, изјави Ричард Питерс кој го претставуваше Тарант за време на неговото прво појавување пред судот.
Претседателот на Србија Александар Вучиќ синоќа изјави дека не ја исклучува можноста од предвремени парламентарни избори. „Редовните избори се во март идната година, но не исклучувам да бидат и порано. Народот секако наскоро ќе каже“, рече тој за ТВ Пинк, додавајќи дека очекува на тие избори да победи неговата Српска напредна партија. Тој потсети дека оваа партија во текот на оваа година треба да одржи конгрес. Вучиќ се соочува со протести на опозицијата која бара негова оставка.
Вицепремиерот задолжен за европски прашања, Бујар Османи и министерот за надворешни работи, Никола Димитров, ќе учествуваат на работниот појадок со министрите за надворешни работи на земјите членки на Европската Унија, во организација на министрите за надворешни работи на Грција и Романија, Катругалос и Малешкану. Премиерот Зоран Заев утре ќе претседава со годинашниот состанок на Советот за стабилизација и асоцијација во Брисел. Копретседавач на состанок ќе биде високата претставничка на ЕУ, Федерика Могерини. Читать дальше...
Во Македонија ќе биде сончево и топло со слаб до умерен ветер од југоисточен правец. Утринската температура ќе се движи од -1 до 5, а дневната од 15 до 25 степени. Во Скопје и околината слично време. Утринската темпертура ќе биде околу 1, а дневната ќе достигне до 22 степена.
