Новости за 12.06.2019

Косовскиот вицепремиер Енвер Хоџај изјави дека очекува набрзо да биде постигнат договор меѓу Косово и Србија. „Врз основа на состаноците што ги имав во изминатите неколку недели, за кои не сакам да одам во детали, очекувам дијалогот меѓу Косово и Србија да биде завршен до крајот на 2019 или март 2020 година, со договор за взаемно признавање“, изјави Хоџај. Според него, дијалогот има врска со тоа дали сакаат косовското знаме да биде подигнато пред ОН или да чекаат уште десет години.

Иранските власти планираат да побараат од Јапонија да биде медијатор меѓу Техеран и Вашингтон за олеснување на нафтените санкции воведени од страна на САД, јави Ројтерс пред посетата на јапонскиот премиер Шинзо Абе. „Јапонија може да помогне во олеснување на тензиите меѓу Иран и САД, а како знак на добра волја Вашингтон треба или да ги повлече или да ги суспендира санкциите“, изјавил претставник на иранските власти. Тоа ќе биде прва посета на јапонски премиер на Иран по повеќе од четири децении. Читать дальше...

И додека македонскиот државен врв лобира во европските престолнини и ги убедува нивните државници дека земјава е подготвена за почеток на преговорите со ЕУ, аналитичарите велат дека најверојатно нема да има одлука за датум за преговори во јуни, туку дека тоа би се случило доцна летово или наесен.

Касим Зомарт Токаев денеска беше инаугуриран за претседател на Казахстан по изборите на кои, според оценките на меѓународните набљудувачи, имало широко распространети нерегуларности, при што беа уапсени и стотици мирољубиви демонстранти. Инаугурацијата на Токаев кој на функцијата беше избран од поранешниот авторитарен претседател Нурсултан Назарбаев се одржа во Палатата на независноста во главниот град на земјата Нур Султан. Токаев освои околу 71 отсто од гласовите на изборите кои се одржаа на 9 јуни. Читать дальше...

Северна Македонија се најде на 67 место на Глобалниот индекс на мирот од 163 земји, според извештајот на Институтот за економија и мир. Во однос на регионот пред земјава се Бугарија на 28 место, Хрватска на 50 место и Србија на 64 место. Црна Гора е веднаш зад нас, а по неа следи БиХ на 86 позиција и Косово на 95 место. Насилството според извештајот, продолжува да има значајно влијание врз светската економија. Во десетте земји најзагрозени од насилството, просечните економски трошоци предизвикани... Читать дальше...

Со намалувањето на довербата на јавноста во СЈО се намалува и надежта за враќањето на правната држава, велат аналитичарите. Власта и опозицијата преговараат за новиот закон за јавно обвинителство, каде што треба да се реши и статусот на СЈО.

Случајот со министерот Арбер Адеми и двајца други државни фукционери околу кои се дигна прашина во јавноста откако просветниот инспектор излезе со тврдење дека незаконски се стекнале со наставно-научни звања отвори прашања дали станува збор за злоупотреба на функцијата или политичка одмазда?

Францускиот претседател Емануел Макрон изјави дека би ја поддржал германската канцеларка Ангела Меркел кога таа би сакала да биде на чело на Европската комисија. Според Макрон, на Европската унија и е потребен некој силен во извршниот орган на Унијата. Сепак, како што додаде, нема да влијае врз Меркел која деновиве ја исклучи можноста да биде на чело на ЕК по заминувањето од канцеларската функција. Таа го поддржува германскиот европратеник Манфред Вебер како наследник на Жан Клод Јункер чиј петгодишен мандат му истекува годинава.

Молдавскиот проруски претседател Игод Додон го поништи претходно потпишаниот указ за распуштање на парламентот на таа земја каде што се судираат две влади кои велат дека имаат легитимитет. Молдавија западна во политичка криза од парламентарните избори во февруари на кои не беше избрано јасно парламентарно мнозинство. Ситуацијата стана конфузна во текот на изминатиот викенд кога се формира коалиција меѓу проруските и прозападните партии што ја поддржуваат и Москва и Европа.

Мисијата на ОБСЕ во Скопје денеска ќе го презентира Вториот преоден извештај за активностите и предметите во надлежност на Специјалното јавно обвинителство. Извештајот е резултат од следењето на судските постапки од предметите во надлежност на СЈО од страна на Мисијата. На презентацијата ќе се обратат специјалната јавна обвинителка Катица Јанева и амбасадорот Клеменс Која, шеф на Мисијата на ОБСЕ во Скопје.

САД и Грција работат на тоа Северна Македонија да ги започне преговорите за членство во ЕУ што поскоро, изјави за МИА Џефри Пјат, амбасадор на САД во Грција. Според него, тоа може да се случи оваа година. На панелот посветен на американско-грчкото сојузништво и остварување на стратешките цели на САД во регионот, Пјат укажа дека Америка во Грција гледа еден од најсилните партнери кои сестрано ги поддржуваат евроатлантските стремежи на земјите од Западен Балкан. САД имаат голема доверба во опозицискиот... Читать дальше...

Протоколот за членство на Северна Македонија во НАТО денеска е на дневен ред на седницата на Парламентот на Естонија, а влегува во процедура и во американскиот Сенат. Естонија ќе биде 17-та земја што ќе го ратификува Протоколот, откако тоа минатата недела го стори германскиот Бундестаг, а денеска во Комисијата за надворешни работи на американскиот Сенат ќе има сослушување поврзано со пристапувањето на Северна Македонија во НАТО. На сослушувањето во Сенатот повикани се помошник државниот секретар на САД за Европа и Евроазија... Читать дальше...

Поранешниот американски претседател Бил Клинтон во Приштина изјави дека Косово е пример за демократија и оти заслужува членство во ЕУ и НАТО. „Мислам дека цел свет може да го земе Косово како пример како растеше и како живее во мир со соседите. Секогаш ќе бидам горд што бев претседател на САД кога ви беше потребен некој кој ќе стане и ќе каже: нема веќе етничко чистење, нема веќе напуштање на татковината и убивање невини цивили, мора да постои подобар начин“, рече Клинтон кој е на Косово по повод... Читать дальше...

Со низа манифестации во Приштина се одбележува дваесет годишнината од влегувањето на НАТО силите на Косово. На нив учествуваат и поранешниот американски претседател Бил Клинтон и екс државната секретарка Медлин Олбрајт.

Македонскиот претседател Стево Пендаровски денеска заминува во посета на Брисел на разговори со шефот на Европскиот совет Доналд Туск и со шефицата на европската дипломатија Федерика Могерини. Тој изрази очекување дека на овие средби ќе добие целосна потврда оти Северна Македонија ќе добие датум за почеток на пристапните преговори. Ова ќе биде прва негова официјална посета на Брисел, откако стапи на претседателската функција.

Ќе биде сончево и топло со мала до умерена облачност. Попладне ќе има локален пороен дожд, грмежи и засилен ветер. Утринската температура ќе биде од 12 до 18, а дневната од 24 до 35 степени. Во Скопје слично време. Утринската температура ќе биде околу 16, а дневната до 33 степени.