Американските одлуки тешко се менуваат, за такво нешто се потребни сигурни информации дека безбедноста е сериозно подобрена, вели поранешниот министер Павле Трајанов по одлуката на Трамп да ја продолжи важноста на зголемениот степен за предрупредување во врска со Западен Балкан.
Американскиот претседател Доналд Трамп вчера повторно изјави дека ќе се сретне со рускиот претседател Владимир Путин во идната недела на самитот на Г20 во Јапонија. Тој ова го изјави и пред неколку дена, но тогаш Москва соопшти дека не примила никаква потврда од Вашингтон за евентуална средба меѓу двајцата претседатели. Кремљ досега не реагираше навчершната изјава на Трамп. Путин и Трамп последен пат се сретнаа тет-а-тет во јули минатата година во Хелсинки.
Кинескиот претседател Си Џинпинг е во дводневна посета на Северна Кореја што е прв негов престој во таа таа земја од 2005 година. Посетата била на покана од севернокорејскиот лидер Ким Џонг Ун и доаѓа на неколку денови пред самитот на Г20 во Јапонија, а на кој ќе учествува и американскиот претседател Доналд Трамп. Кина им е главен сојузник на властите во Пјонгјанг, но се придржува на меѓународните санкции наметнати со цел Северна Кореја да се откаже од нуклеарната програма.
Денеска е предвидено да се одржи традиционалнатагодишна специјална директна линија со рускиот претседател Владимир Путин која ќе биде емитувана во живо на повеќе руски телевизиски канали. Тој ќе одговора на прашања во врска со јавниот, политичкиот и социоекономскиот живот во земјата, но и на меѓународни прашања. Луѓето можат да ги поставуваат своите прашања со телефонски повик или порака и преку веб-страница на телевизиската програма, како и преку посебна мобилна апликација.
Со поранешен министер на Суд за шверц со дрога, со лидер на опозиција осомничен за перење пари и со стотици судии за примање мито, Албанија се бори против корупцијата. Таа, пак, е најголемата закана за нејзините надежи за членство во ЕУ.
Повеќе од една третина од сите прекршувања на слободата на медиумите во Европа во 2018 и 2019 година се случиле во југоисточна Европа, соопштија во Сараево мониторите на слободата на печатот, прецизирајќи дека зад половината од таквите прекршувања стоеле владите. Новинари од Албанија, Турција, Босна и Херцеговина, Северна Македонија и Србија на дводневната конференција во Сараево се пожалија на тешките услови под кои работат во нивните држави. „Слободата на медиумите опаѓа низ цела Европа, но ситуацијата е полоша во овој регион“... Читать дальше...
Лидерите на ЕУ денеска и утре во Брисел треба да донесат одлуки за наименувања на нови претставници на европските институции и да ја усвојат стратегиската агенда на ЕУ за 2019-2024 година. Агендата ќе се користи за планирање на работата на Европскиот совет и ќе обезбеди основа за работните програми на другите институции на ЕУ. Европскиот совет, исто така, ќе разговара за климатските промени пред Самитот на Обединетите нации за климатски активности во септември годинава. Европскиот совет, исто така, ќе расправа и за препораките за одделни земји.
Претпладне ќе биде сончево со мала до умерена облачност, попладне нестабилно со пороен дожд, грмежи и засилен ветер. Локално ќе има појава на невреме со пообилен дожд, силен ветер и појава на град. Утринската температура ќе се движи од 11 до 19, а дневната од 22 до 33 степени. Во Скопје и околината слично време. Утринската температура ќе биде околу 17, а дневната ќе достигне до 30 степени.
