Новости за 12.08.2019

Неодамна увоената Стратегија за безбедност на Косово е стратегија за модернизација и јакнење на институциите, и го прави Косово држава модел во регионот на планот на безбедноста, одбраната, информациите и дипломатијата, изјави косовскиот заменик министер за одбрана Бурим Рамадани, јави дописникот на МИА од Приштина. Рамадани на својата страница на Фејсбук напиша дека Србија, со тоа што усвои своја одбранебена стратегија неколку недели откако тоа го направи Косово, покажа дека продолжува да ги следи... Читать дальше...

Осумнаесет години по потпишувањето на Охридскиот рамковен договор стручната јавност оценува дека тој ја постигнал основната цел, односно го донел мирот во 2001-та година. Забелешки пак, сѐ уште постојат во делот на практичната имплементација на неговите одредби.

„Рекет“ во центарот на вашите коментари на социјалните мрежи на РСЕ. „Доста веќе продававте магла. Ако имате конкретни докази, аудио или какви било снимки пуштете ги и да видиме кој што конкретно направил.“

Во Европската унија Хрватите најдолго живеат со родителите. Швеѓаните родителскиот дом го напуштаат со 18 ипол години, а Хрватите на скоро 32 години, пишува хрватскиот весник „Јутарњи лист“. Новите податоци на Државниот завод за статистика покажуваат дека во Хрватска во 2017 година со родителите живееле 73 насто од населението на возраст од 18 до 34 години. За ова, според експертите, придонесува лошата состојба на стопанството во земјата.

Руската агенција за надѕор на медиумите побара од американската компанија Гугл да преземе мерки за да спречи да им овозможува на корисниците на Јутјуб да испарќаат информации за неодобрените протести. До овој потег доаѓа по неколку неделните протести во Москва поради одбивањето на кандидатурите на некои опозициски и независни почитичари за изборите во Москва. Руската агенција наведе дека ако Гугл не се ангажира во врска со ова прашање, тоа ќе биде сметано како мешање во внтарешните работи на Русија и Москва ќе има право на контрамерки.

Најмалку 150 луѓе загинале во силните дождови што го зафати Пакистан. Неколку десетици имало загинато и во 20 милионски град Карачи каде што имало многу поплавени улици и домови. Војската им помага на загрозените како и во справувањето со последиците од монсунските дождови.

Десетици Палестинци биле ранети во вчерашните судири меѓу израелската полиција и муслиманските верници кај Ридот на храмовите во Ерусалим, свето место и за Евреите и за муслиманите. Судирите избувнаа во време на зголемена напнатост поради преклопувањето на еврејските и муслиманите верски празници. Лидерот на исламското екстремистички движење Хамас Исмаил Ханије оцени дека судирот ја покажува „верската димензија на израелско палестинскиот судир“.

Откако бил тепан 28 пати за време на неговата кариера, турскиот новинар Хакан Денизли мислел дека видел се. Но, на 29-тиот пат, тие дошле со пиштол, додека го земал неговиот четиригодишен внук од градинка. „Дојдоа ме застрелаа во ногата и избегаа“, вели тој.

Портпаролот на КФОР Пио Сабета, коментирајќи ја изјавата на српскиот претседател Александар Вучиќ дека биле можни терористички напади на Косово во текот на изборите наесен од страна на албанската терористичка организација „Б-13“, изјави дека оваа мировна мисија не е вклучена во борбата против тероризмот. Тој оцени дека безбедносната ситуација на Косово е мирна и под контрола, како и тоа дека КФОР соработува со локалните и меѓународните безбедносни организации и оти ако има потреба ќе реагираа и во евентуалните случаи со тероризам.

Ќе биде сончево и многу топло. Ќе дува слаб ветер од источен правец. Максималната температура ќе биде во интервал од 33 до 40 степени. Утринската температура ќе биде од 12 до 21, а дневната од 32 до 40 степени. Во Скопје и околината слично време. Утринската температура ќе биде околу 20, а дневната ќе достигне до 39 степени.