Благ раст на невработеноста во Германија
Невработеноста во Германија во мај благо се зголемила во однос на април, што е последица на бавниот раст во најголемата европска економија, соопшти денеска Сојузната агенција за труд.
Официјалните податоци прилагодени на сезонските фактори покажуваат дека невработеноста во мај порасна на 5 проценти, додека во април беше 4,9 отсто.
Не сметајќи ги сезонските фактори, стапката остана стабилна на 4,9 отсто, односно без работа се 2,24 милиони луѓе, што е за 80 илјади помалку во однос на минатата година.
„Првите ефекти на нешто послабиот економски развој во последно време се евидентни на пазарот на труд“, соопшти Агенцијата.