ЕК: Реформи во владеење на правото и договор со Косово клучни за Србија
Во извештајот на Европската комисија за напредокот на Србија на патот кон ЕУ во 2018 година се наведува дека реформите во владеењето на правото и решавањето на односите со Косово се од витално значење за земјата и ќе продолжат да го одредуваат понатамошниот ритам на преговорите.
Според извештајот, потребен е напредок во реформите во судството, борбата против корупцијата, слобода на медиумите и решавањето на случаите на воени злосторства и организиран криминал во самата земја.
Србија, како што се наведува, останала целосно ангажирана во дијалогот со Приштина со посредство на ЕУ и покрај воведувањето на таксите од страна на Косово.
Сепак, ЕК смета дека „Србија мора да направи понатамошни значителни напори и придонеси, особено кога станува збор за нејзините меѓународни односи, создавајќи поволни услови за склучување на сеопфатен правно обврзувачки договор со Косово. Таквиот договор е итен и пресуден да можат Србија и Косово да напредуваат на својот европски пат“.