Путин на средби во Киргистан пред утрешниот самит за соработка
Рускиот претседател Владимир Путин пристигна во главниот град на Киргистан, Бишкек каде утре ќе присуствува на самитот на Шангајската организација за соработка. Пред самитот Путин ќе има одделни средби со киргистанскиот претседател Соронбаи Јиенбеков и со индискиот премиер Нарендра Моди.
Тоа ќе биде прва средба на Путин и Mоди откако индискиот премиер го обезбеди вториот мандат на функцијата по победата на неговата партија на парламентарните избори минатиот месец. Кремљ соопшти дека Путин ќе присуствува и на трилатерален состанок со лидерите на Кина и Монголија на маргините на самитот.