Заев: Објавив се што знаев и на транспарентен начин за случајот Нешковски
Сето тоа што сум го знаел, и сум го објавил на еден транспарентен начин, секојпат кажувајќи за сите детали, изјави премиерот Зоран Заев одговарајќи на новинарско прашање за објавениот аудио разговор во врска со убиството на Мартин Нешковски. Според него, секогаш кога има пакет на разговори или „бомби“, кажувале само дел од разговорот, а постојат уште разговори поврзани околу одреден момент.
„Ние поседуваме само една третина од тие разговори. Имајќи ја предвид динамиката по датумите кога тие се одвивале од целиот овој период 2008 до 2014 година верувам дека многу разговори постојат кои опозицијата некојпат ги поседувала, така да автентичноста се знае кој може да ја покрие, да ја потврди и треба да се каже дали е тоа“, одговори премиерот Зоран Заев, кој денеска беше во посета на локалитетот Стоби.