ЕК: Истрагите за „бомбите“ да продолжат и да се најде решение за статусот на СЈО
Европската Комисија по оставката на шефицата на СЈО, Катица Јанева порачува дека е важно да се продолжи со воспоставување отчетност за криминалите кои произлегуваат и се поврзани со илегалните прислушувања.
„Европската Унија ја прима на знаење најавата на Катица Јанева дека има намера да поднесе оставка“, се вели во соопштението на Европската Комисија за МИА.
ЕК посочува и дека е „важно сите парламентарни политички партии да продолжат да работат за изнаоѓање одржливо решение за статусот на Специјалното јавно обвинителство“.