Рама го отфрли предлогот на Мета за избори во октомври
Албанскиот премиер Еди Рама го отфли предлогот на шефот на државата Илир Мета на 13 октомври да се одржат локални, предвремени парламентарни и претседателски избори како решение за политичка криза.
„Избори беа спроведени на 30 јуни. Ние сме многу ангажирани за успешен почеток на целиот процес на локалната самоуправа. Имаме предизвик со проблемите на земјата и луѓето, наш предизвик не се внатрешните проблеми на вонпарламентарната опозиција и претседателот. За мене 13 октомври е исто како и 12 октомври, како 6 ноември, како сакаш. Можеби тој датум се паѓа во недела, но тоа е недела како и секоја друга“, рече Рама.
Тој посочи дека се апсолутно расположени за дијалог како со парламентарната така и со вонпарламентарната опозиција, но оти во однос на Уставот, легитимитетот и мандатот на Владата нема дискусија со никого.