Протести во Москва поради забраната опозионери да учествуваат на локални избори
Повеќе од 10 000 луѓе меѓу кои и опозициски политичари денеска излегоа на улиците на Москва со барање за фер и слободни локални избори.
Собирот беше одржан во знак на протест поради одлуката на државните изборни власти да не ги регистрираат опозициските кандидати за престојната изборна трка.
Досега во Москва се одржаа неколку протести. Кандидатите бараат да учетствуваат во изборите кои треба да се одржат во септември, а регистрацијата траеше до 6 јули. За да бидат регистрирани како кандидати требаше да соберат 4500 потписи, но државната изборна комисија соопшти дека дел од потписите за опозициските кандидати биле невалинди, немале точни адреси или документи за лична идентификација.