Песков: Ако големите економии како САД ја напуштат СТО, таа ќе се распадне
Постоењето на Светската трговска организација (СТО) сериозно ќе биде доведено во прашање доколку ја напуштат големите светски економии, како САД на пример, како што вчера навести американскиот претседател Доналд Трамп, изјави денеска портпаролот на Кремљ Дмитриј Песков.
Коментарот на Кремљ доаѓа по информациите од американските медиуми дека Трамп вчера се заканил со повлекувањето на САД од СТО заради, како што кажа, непочитување на третманот на неговата земја од страна на оваа организација.
„Очигледно е дека постоењето на некои клучни меѓународни економски организации, како што е СТО, може сериозно да биде доведено во прашање по напуштањето на нејголемите економии во светот“, изјави портпаролот на Кремљ, Дмитриј Песков, на телеконференциска врска со новинарите.