Варвициотис - Примена на Преспанскиот договор за поддршка на евроинтеграциите
Со писмо до вицепремиерот Бујар Османи, алтернативниот министер за надворешни работи на Грција, Милтиадис Варвициотис, најави поддршка за европските интеграции на Македонија, нагласувајќи дека императив е целосната имплементација на Договорот од Преспа.
„Процесот на европски интеграции на земјите од Западниот Балкан претставува стратешки приоритет на Република Грција. Во таа насока, ние го поддржуваме и процесот на евроинтеграција на Република Северна Македонија, во согласност со предвидените услови и на основа на сопствените заслуги, за што целосната имплементација на Преспанскиот договор претставува императив“, пишува Варвициотис во писмото до Османи.