Бомбашки напад во Кабул
Најмалку четири војници загинаа при напад на бомбаш-самоубиец врз база на авганистанските специјални сили на периферија на Кабул, соопшти авганистанското Министерство за одбрана.
Во нападот повредени се тројца војници. Портпаролот на талибанците Забихулах Муџахид презеде одговорност за бомбашкиот напад. Денешниот инцидент е најнов напад откако американскиот претседател Доналд Трамп ги прекина американско-талибанските преговори, пренесуваат светските новински агенции.