Полициски протест во Скопје: Колективни договори и поголема плата
Независниот полициски синдикат денеска организира мирен протест во Скопје, со блокирање на неколку улици на клучни места во градот, со барање за „враќање на достоинството на полицајците, колективни договори и покачување на платите за 25 отсто“.
Припадниците на Независниот полициски синдикат, најпрво 15 минути ја блокираа крстосницата кај МТВ, а потоа се упатија кон ССМ. Следна локација е крстосницата кај зградата на Европската Унија и на крајот демонстрантите ќе ги вклучат сирените од автомобилите пред зградата на МВР.
Едно од главните барања на Независниот синдикат е донесување на колективни договори и покачување на платите за 25 отсто.