Бугарска поддршка за членството во ЕУ, но и условувања

Во предлог декларација на бугарското Собрание се наведува дека Бугарија и дава целосна поддршка на интеграцијата на Република Северна Македонија во ЕУ. Во предлог-документот, Софија го повикува Скопје да го спроведува ефикасно, без одлагање и со добра волја Договорот за пријателство, добрососедство и соработка.


Во текстот се посочува дека Бугарија „се залага за прифаќање на историската вистина за заедничка историја што ја споделуваат двете држави и народи“. Во него се бара и „да прекине секаква форма на говор на омраза кон Бугарија и кон граѓаните на Република Северна Македонија со бугарско национално чувство, вклучително и во медиумите и на натписите на спомениците“.