Заев: Предвремени избори 45 дена пред редовните
„Надежта за конечни одлуки за стратешките цели за државата ќе бидат исполнети сега во средината на октомври, декември-јануари или февруари, во зависност од одлуките на Шпанија за НАТО. Земјите како Бугарија, Хрватска или Романија, кога станува членки на НАТО и кога ги отвораа процесите на преговори со ЕУ, буквално живееја меден месец, период кој не се повторува. Ова е тој период, кој ние буквално не можеме да очекуваме дека сериозно ќе се повтори во иднина и тоа се причините зошто сметаме дека треба да се оди на редовни избори“, рече Заев, при денешната посета на фабриката „Маркарт“ во Велес.
На новинарско прашање дали веќе е отпочната изборната кампања тој рече дека оваа кампања која моментално ја водат е за да се финализираат двегодишните активности на Владата и да отворат дебата.
Тој додаде дека се прави ребрендирање на СДСМ, со цел партијата дефинитивно да се промени, да се модернизира и биде од помош на државата и граѓаните, а дека црвената боја во новото лого, рече дека „црвената е наша македонска боја“.
„Тоа е нашето знаме. Црвената боја во секакви нијанси. Тоа е бојата на социјалдемократските партии пред се во Европската Унија и на социјалдемократските партии ширум Европа“, рече Заев.