Спасовски - На високо ниво подигнато откривањето на криумчарењето мигранти
Министерот за внатрешни работи, Оливер Спасовски вели дека на високо ниво е подигнато откривањето на криумчарењето мигранти и дека Министерството во континуитет работи на сузбивањето на криумчарењето мигранти и на трговијата со луѓе. Тој вели дека формирањето на националната агенција за нивно сузбивање дава резултати.
Спасовски одговарајќи на новинарски прашања при посетата на полициската станица во Валандова рече дека процесот на ветинг во полицијата тече и дека предвремените парламентарни избори нема да го пролонгираат тој процес.