Тројца пакистански војници загинаа во експлозија

Тројца пакистански војници загинаа, а петмина се повредени во експлозија која се случила ноќеска во југозападниот дел на земјата, информира регионален претставник. Бомбата на далечинско активирање била поставена на мотоцикл паркиран во предградие на градот Квета во провинцијата Балучистан.


Бомбата била детонирана кога поминувало возило на паравоениот „Граничен корпус“.


Засега никој не ја презеде одговорноста за нападот.


Балучистан е жариште на конфликт со низок интензитет, а вооружените групи бараат поголема автономија и поголем удел во распределбата на добивката од природните ресурси. Во подрачјето се присутни и исламистички екстремисти.