Нападот во Хаг не бил терористички акт
Холандската полиција соопшти дека нема докази дека уапсениот осомничен за нападот на три лица со нож во Хаг имал терористички мотив. Тројца тинејџери беа повредени во инцидентот кој се случи во петокот вечер на прометна улица. Полицијата соопшти дека осомничениот, 35-годишен маж кој вчера беше уапсен во засолниште за бездомници бил сослушан.
„Прелиминарно не се пронајдени знаци што би укажале дека имало терористички мотив. Кој бил мотивот, тогаш, се уште се истражува“, се наведува во соопштението на полицијата.