Најмалку пет загинати во експлозија на зграда во Словачка
Најмалку пет лица загинаа во денешната експлозија на гас во 12-катна зграда во словачкиот град Прешов. Според првичните извештаи, евакуирани се сите лица од објектот поради стравување дека зградата може да се урне. Во спасувачките операции учествува и војската со шест хеликоптери, јави „Ројтерс“.
Градоначалничката на Прешов, Андреа Турцанова, изјави дека има голем број повредени во најголемата трагедија во градот во последните 50 години. Голем е бројот и на оние што останале без покрив над главата.