Талески кандидат за амбасадор во НАТО
Советникот за надворешна политика на премиерот Зоран Заев, Дане Талески е кандидат за амбасадор во НАТО, потврдуваат владини извори за МИА.
Министерот за надворешни работи Никола Димитров, кандидатурата на Талески, ќе ја достави на владина седница в четврток.
Амбасадорското место во НАТО досега не беше пополнето, а Заев и Димитров изминатиот период говореа дека во моментов кога земјата е пред прагот на полноправно членство во Алијансата, пополнувањето на ова место е клучно.
Се очекува Македонија наскоро брзо да стане и официјална членка на НАТО, се чека уште шпанскиот Парламент да го ратификува Протоколот.