Мицотакис: Гледам да ги подобрам аспектите на Договорот од Преспа
Предизборно направив сѐ за да го спречам договорот, но и со целосна искреност предупредив дека ако се потпише, ќе биде тешко да се поништи, сега гледам да ги подобрам аспектите на Преспа, кои предизвикуваат проблеми, вели грчкиот премиер Кирјакос Мицотакис за весникот „То Вима“.
Како јави МИА во интервјуто Мицотакис говори и за критиките дека по изборите го променил ставот за Договорот од Преспа
"Гледам да ги подобрам аспектите на Преспа кои предизвикуваат проблеми. Затоа, мојата влада ги поддржа производителите од Северна Грција да го обезбедат македонскиот бренд. Претходнат а влада не го стори тоа. Јас се видов со Заев и му реков: „ сакам добрососедски односи, но нема да прифатам погрешни толкувања за идентитетските прашања што се поврзани со Грција“,вели Мицотакис
Како што е познато, грчкиот премиер Кирјакос Мицотакис во изминатиот период ја промовираше кампањата за употреба на ознаката Macedonia the GReat за производите од грчкиот регион.