Косовското специјално обвинителство предупреди дека Тачи сака да им го смали мандатот

Косовското Специјалното обвинителство соопшти дека косовскиот претседател Хашим Тачи се обидува да го „намали“ мандатот на Судот од Хаг, затоа што ги истражува наводите за воени злосторства извршени за време кога Косово се одвои од Србија.


Во јуни Обвинителството ги обвини Тачи и други ветерани на ОВК под сомнение дека се одговорни за сериозни злосторства, вклучувајќи и речиси 100 убиства, присилно исчезнување, тортура. Во изјава на Обвинителството објавена на интернет се наведува дека постои добра причина да веруваат дека претседателот на Косово делува како дел од една поголема стратегија за поткопување на судот. Станува збор за законски амандмани што ги предлага Тачи, а со кои косовските пратеници ќе имаат моќ да го продолжат мандатот на обвинителството за уште пет години.



Ветерани на ОВК фрлаа шишиња кон припадниците на ЕУЛЕКС по апсењето на нивни соборци




Специјалното обвинителство во изјавата наведува дека нивниот мандат трае се додека не добија известување од Советот на Европската унија дека им завршил мандатот, а потегот на Тачи може да имплицира дека мандатот веќе е истечен.

Специјалното обвинителство има задача да ги истражат наводите дека припадници на Ослободителната војска на Косово(ОВК) сториле воени злосторства и злосторства против човештвото за вреем на војната во 1998-999, за стекнување на независност на Косово од Србија. КСК делува по косовски закони, но седиштето и е во Холандија, за да се заштитат сведоците од заплашување.