Во САД над 84 илјади новозаразени

САД го соборија дневниот рекорд во бројот на заразени со коронавирус откако се регистрирани нови 84.218 случаи, а епидемии се пријавени во сите делови на земјата, објави Ројтерс.


Најпогодени држави се Охајо, Мичиген, Северна Каролина, Пенсилванија и Висконсин.


Бројот на хоспитализирани случаи надмина 41 000, а во просек околу 800 луѓе умираат секој ден како резултат на инфекцијата.


Здравствените експерти не ја наведоа причината за наглиот пораст на бројот на заразени, но долго време предупредуваат дека ширењето на вирусот може да биде под влијание на пониските температури на воздухот принудувајќи ги луѓето да останат во затворен простор, замор од мерките на претпазливост против ковид како и  враќањето на малдите во училиштата и колеџите.


Последна дебата меѓу Трамп и Бајден пред изборите


САД се први во светот според бројот на заразени со 8,5 милиони, додека бројот на смртни случаи достигна 224 000.


Минатата недела САД имаа просечно околу 60.000 нови случаи на инфекција на дневна основа, што е највисок просек за седум дена од почетокот на август.