Во Кина регистриран прв случај на птичји грип Х10Н3 кај човек

Маж од источната кинеска провинција Џиангсу е потврден како првото лице заразено со вирусот Х10Н3 од птичји грип, соопшти кинеската Национална здравствена комисија (НЗЦ). 41-годишниот маж, жител на градот Женѓијанг, бил хоспитализиран на 28 април откако забележал симптоми како треска.


Во светот до сега не е пријавена инфекција со вирус H10N3 кај луѓето, објави (НЗЦ).



Кина го запира увозот на живина од Франција поради птичји грип


На 28 мај му била дијагностицирана инфекција со птичји грип Х10Н3, но не беа дадени детали за тоа како се заразил. Овој вид е низок патоген или релативно помалку сериозен и се наоѓа кај живината и постои мал ризик од негово масовно ширење. Човекот е во стабилна состојба и е подготвен да биде пуштен од болницата. Не беа пронајдени други контакти со овој вид.


Од вирусот Х7Н9 на птичји грип починаа околу 300 лица во периодот 2016-2017 година и не е забележан поголем број на инфекции на птичји грип.