Нема да има прекин во вакцинирањето против ковид, тврди Филипче

Министерот за здравство, Венко Филипче, денеска најави дека процесот на имунизација нема да биде прекинат, најавувајќи пристигнување на нови вакцини и продолжување на процесот со истата динамика. Како што најави тој, се очекува пристигнување на руски и кинески вакцини, но додаде дека се уште нема точен датум на нивно пристигнување.



„За Спутник и Синовак сè уште немаме точни датуми, за Спутник имаше најави дека ќе биде околу крајот на мај, но досега не се пристигнати. Најавата за пристигнување на вакцините Синовак е за почетокот на јуни. Како што рекоа, првата недела или првите 10 дена, треба да почекаме“, изјави Филипче.



Во ЕУ започнува вакцинирање против ковид-19 за адолесценти


Министерот додаде дека количини на „Фајзер“ веќе пристигнале во текот на вчерашниот ден, според досегашната динамика, а во текот на неделата се очекуваат донациите на вакцини од Бугарија и од Грција.