Телефонски разговор меѓу Мишел и Путин за односите ЕУ-Русија

Претседателот на Европскиот совет Чарлс Мишел денеска имал телефонски разговор со рускиот претседател Владимир Путин. Тој нагласил дека односите меѓу ЕУ и Русија се „на ниско ниво“ и дека „оваа ситуација или нејзиното понатамошно влошување не е во интерес на ниту една од страните“, се наведува во соопштението на Европската унија.


Мишел го информирал Путин дека Европскиот совет разговарал за Русија во мај и дека ги осудил незаконските, провокативни и нарушувачки активности на Русија против ЕУ. Но и против други земји.


Мишел денеска на Твитер напиша дека односите можат да се подобрат ако Русија престане со деструктивното однесување. И во соопштението на Кремљ се наведува дека Путин оценил дека односите меѓу Русија и ЕУ не може да се сметаат за задоволителни.


Односите меѓу ЕУ и Русија не се добри веќе со години, а особено се нарушија откако Москва во 2014 година го анектираше Крим од Украина и со тоа што им дава воена, политичката и економската поддршка на сепаратистите во источна Украина кои водат војна против Киев.


Во соопштението на ЕУ за денешниот телефонски разговор меѓу Миле и Путин се наведува и дека разговарале за ситуацијата во Белорусија, при што Мишел го осудил присилното слетување на комерцијалниот лет на „Рајанер“ во Минск минатиот месец и апсењето на еден опозициски новинар кој се наоѓал на авионот.



ЕС со критика за руската одлука да ги означи САД и Чешка за „непријателски“




Според соопштението на Кремљ, Путин рекол дека санкциите на ЕУ против Белорусија поради инцидентот се „контрапродуктивни“.



Двајцата лидери зборувале и за Украина, пандемијата на коронавирусот и за тензиите меѓу Ерменија и Азербејџан.