Дејвид Бекам, Вупи Голдберг и Фернандо Алонсо бараат вакцини за сиромашните

Триесетина познати личности денеска ги повикаа земјите од Г7 да обезбедат вакцини против коронавирусот за сиромашните земји во пресрет на Самитот на седумте индустриски најразвиени земји во светот.


Во отвореното писмо, познатите личности од светот на спортот и забавата ги повикуваат лидерите на САД, Велика Британија, Германија, Франција, Италија, Канада и Јапонија да се обврзат дека ќе им поделат на сиромашните земји најмалку 20 проценти од залихите на вакцините против коронавирусот.



Битка за заштита на патентите за вакцините


Меѓу потписниците на отвореното писмо се наоѓаат главно амбасадори на волја на УНИЦЕФ, меѓу кои актерите Лиам Нисон, Орландо Блум и Вупи Голдберг, пејачката Кети Пери, фудбалерот Дејвид Бекам, шампионот на Формула 1 Фернандо Алонсо и тенисерот Енди Мари.


Целта на очекуваната донација од 150 милиони дози од вакцината меѓу јуни и август е намалување на ризикот од ширење на вирусот и опасноста од мутирани соеви, се наведува во писмото.