Се преговара за повлекување на концесионерите за хидроцентрали на Шар Планина
„Има седум одлуки од Владата за концесии. Јас имав разговори со овие концесионери за да се почнат преговорите. Имавме неформален разговор и се надевам дека во многу брзо време ќе имаме и формален договор за да се тргнат. На пример во Лешница ќе се тргнат, но сме во комуникација и со останатите, преговараме нормално, ние се грижиме и за природата но истовремено и за државниот буџет, за да немаме многу загуби за ова“, рече Нуредини.
Стари концесии, нови рокови за мали хидроцентрали во Маврово и на Шара
Малите хидроелектрани - Меѓу екологијата и профитот
На новинарско прашање околу состојбата со дивите платформи на Матка и барањата за легализација кои „две ипол години стојат во фиока“ кај градоначалникот на Општина Сарај, министерот за животна средина и просторно планирање рече дека од почеток на мандатот тој е за заштита на природното наследство.
„За Матка законот е при крај кој што ќе го предложиме, овде останува само некој дел за менаџирањето на Матка. Законот наскоро ќе биде предложен во Влада кога ќе биде и усогласен. Ние како институција не си ја префрламе топката, но ние не сме за легализација, за ова може да одлучи градоначалникот на Општината, но ние сме овде за соработка со сите, а за зонирањето точно каде ќе се дозволи, а каде нема да се дозволи градење тоа се активности кои ќе се одредат во зоните. Ова ќе го презентираме кога ќе биде готово,“ образложи Нуредини.