Руската полиција упадна во дом на истражувачки новинар
Доброхотов на социјалната мрежа Твитер напиша дека полицијата дошла во неговиот дом утрово. ОВД-Инфо, група за правна помош која ги набљудува политичките апсења, соопшти дека сопругата на Доброхотов се јавила кај нив и го пријавила полицискиот упад.
ЕУ ја критикува Русија за назначување на „непожелни организации“
Потоа нејзиниот телефон се изгаснал, соопшти ОВД-Инфо, наведувајќи дека нивната адвокатка Оксана Опаренко се упатила кон станот на Доброхотов во Москва. Интернет страницата База наведува дека полицијата вршела претрес и во домот на родителите на новинарот. Во видеото објавено од База на нивниот канал на Телеграм се гледа како неколку луѓе во цивилна облека разговараат со родителите на Доброхотов и велат дека претресите се дел од истрага за криминален случај.
Досега нема официјално објаснување за овие претреси, а според База, криминалниот случај кој го споменуваат мажите во домот на родителите на новинарот e отворен по барање на холандскиот новинар Макс ван дер Верф, кој го обвини Инсајдер за клевета.