Талибанска делегација во Пекинг на средба со кинески владини претставници
"Политика, економија, прашања поврзани со безбедноста на двете земји, моментната ситуација во Авганистан и мировниот процес се темите за кои се разговараше на средбата“, рече денеска портпаролот на талибанците Мохамад Наем.
Столтенберг: НАТО ќе продолжи да го поддржува Авганистан
Дводневната посета доаѓа во период на талибанска офанзива низ Авганистан, земја со која Кина има заедничка граница и во период во кој Соединетите Американски Држави се повлекуваат од државата, процес кој се планирана да заврши до крајот на идниот месец. Милитантите заземаа области и гранични премини, а нема напредок во мировните разговори на талибанците и авганистанската влада кои се одржуваат во Катар.
Талибанците лажат, тврди официјален Кабул
Кинескиот министер за надворешни работи Ванг Ји им кажал на талибанците дека Пекинг го почитува територијалниот интегритет на Авганистан, соопшти кинеското министерство за надворешни работи. Талибанската делегација, пак, според нивниот портпарол Наем, уверувала дека територијата на Авганистан нема да биде користена како база од разни групи против други земји.