Одложено рочиштето за „Плацеви на Водно“, Мијалков имал ковид-19
Денешното судско рочиште за случајот „Плацеви на Водно“ не се одржа поради отсуство на обвинетиот Сашо Мијалков, поранешниот директор на УБК, чија одбрана пријавила дека тој а позитивен на ковид-19. Судијата Илија Трпков информираше дека адвокатите на Мијалков ја пријавиле здравствената состојба на нивнниот клиент до Судот, од каде пак информираат дека позитивни на ковид-19 се и неколку адвокати на обвинетите.
Според обвинението, чиј застапник е обвинителката Лиле Стефанова, покрај Мијалков, обвинети се и поранешниот премиер Никола Груевски и бизнисмените Ненад Јосифовиќ, Јордан Орце Камчев и Ратка Куновска Камчева.
(Не)зависноста на судството - европска ревизија
Груевски, како што се наведува во обвинението, е обвинет за делата „перење пари и за противправно стекнување и прикривање на имот”, а неговиот кум, Ристо Новачевски, бизнисмените Ненад Јосифовиќ, Јордан Орце Камчев и Ратка Куновска Камчева се товарат за „перење пари”. Мијалков, кој е прв братудед на Груевски, е обвинет за „помагање при кривично дело перење пари и други приноси од казниво дело”.
Мијалков излезе од затворот во Шутка
На денешното рочиште беше предвидено да биде сослушан сведокот Кирил Божиновски, поранешен генерален секретар во владата на Груевски. Следното рочиште за овој предмет е закажено за 24 јануари. Случајот го води судијата Илија Трпков, а застапник на обвинението е обвинителката Лиле Стефанова.