Хакирани украински владини сајтови: „Очекувајте го најлошото“

Голем сајбер напад, со предупредувачка порака до Украинците „да се плашат и да го очекуваат најлошото“, е извршен врз веб-страниците на украинската влада во четвртокот вечерта (13-ти јануари). Поради тоа , некои од владините веб-услуги денеска не се достапни, а Киев отвори истрага за нападот.

„Како резултат на масовен хакерски напад, веб-страниците на Министерството за надворешни работи и на голем број други владини агенции привремено не работат. Нашите експерти веќе работат на обновување на ИТ системот“, напиша на Фејсбук портпаролот на украинското Министерство за надворешни работи, Олег Николенко.

Со што Бајден му се закани на Путин околу Украина?

Портпаролот на украинското Министерство за надворешни работи изјави за Ројтерс дека е премногу рано да се каже кој би можел да стои зад нападот, но рече дека „Русија стоела зад слични напади во минатото“.

„Прерано е да се извлечат заклучоци, но има долга евиденција за руски (сајбер) напади врз Украина во минатото“, рече тој.

Руското Министерство за надворешни работи не одговори веднаш на барањето на Ројтерс за коментар. Русија претходно негираше дека стои зад сајбер нападот врз Украина.