Економско социјалниот совет во среда ќе одлучува за минималната плата
„Веќе денеска на оваа тема има средби на претставници на Министерството за труд и социјална политика и други ресорни министерства заедно со вицеоремиерот за економски прашања со претставници на синдикатите. Тоа е прашање кое се решава низ економско-социјалниот дијалог. Минималната плата и нејзиното покачување од првичните 9000 денари колку што беше претходно, на 15 илјади денари колку што е сега, беше направено од СДСМ и Владата предводена од СДСМ. Така што и заложбата за зголемување на минималната плата на повисоко ниво е исто така заложба на оваа Влада“, изјави Ковачевски кој денеска изврши увид во реконструкцијата на училиште во Прилеп.
Тој потсети дека нив ваков дијалог се дошло и до решение за недела неработен ден. Во среда е закажан Економско-социјалниот совет на кој ќе се одлучува за барањата на ССМ за зголемување на минималната плата на 18.000 денари и спирално зголемување на сите останти плати и за враќање на правото за регрес на годишен одмор за сите вработени во јавниот сектор.
Тренчевска најави зголемување на минималната плата
Претседателот на Сојузот на синдикати на Македонија, Дарко Димовски порача дека доколку во среда не бидат исполнети нивните барања, ќе организираат штрајк, а не се исклучени и други можности како протест, блокирање на улици.
„Како Сојуз на синдикати на Македонија не го прифаќаме зборот „ќе“, туку „кога“ и „колку“. Затоа сум малку револтиран од односот на нашите социјални парнери. Во среда продолжува битката за работничките права. Единствената цел е егистенцијата на работникот во оваа економска, ковид и енергетска криза“, рече Димовски по денешната средба во Владата.
Вицепремиерот за економски прашања Фатмир Битиќи по средбата во Владата изјави дека минималната плата ќе продолжи да расте и системското решение ќе дојде преку дијалог со сите засегнати страни, а решението кое би било предложено, според него, секако подразбира одржливост на подолг рок за пораст на минималната плата во согласност со порастот на трошоците на живот и растот на просечните плати.