Камбовски: секоја држава може да сугерира, но прашањето за Уставот зависи од нас
Сите прашања за положбата на етнички заедници, групи и слично се прашања на секоја една држава. Некоја држава може да сугерира што било, но прашањето зависи од нас самите, од нашата одлука. Значи ние имаме механизми за тоа, ако се поведува иницијатива за промени на Уставот, тоа треба да биде наша одлука, изјави денеска академик Владо Камбовски пред Годишното Собрание на МАНУ, одговарајќи на новинарско прашање за барањето на Софија за внесување на Бугарите во Уставот. Камбовски тоа не го оценува како мешање во внатрешните работи на земјава, бидејќи, како што рече, тука никој не може да се меша и да диктира што ќе правите.
„Тоа самите го правите или не го правите, поаѓајќи од тоа дека ако оцените дека треба да го правите, тоа го правите аргументирајќи го својот потег со меѓународните стандарди, со постојната уставна рамка, стандардите за човекови права и слично“, рече Камбовски.
Радев - Гарантирање на правата на Бугарите пред почетокот на преговорите
Тој посочи дека вчера имале расправа на тема уставно правна заштита на правото на здрава животна средина, при која дошле до истата констатација дека е нужно да се изврши реформа на еден важен дел од Уставот, а тоа е делот кој се однесува на Уставниот суд и на уставно правната заштита по можност и со воведување на институтот на уставна тужба за заштита на основните човекови слободи и права.
„Десетици амандмани досега се извршени откако е донесен Уставот, но притоа се запоставени некои клучни подрачја на Уставот и неговите измени кои ги тангираат основните чоекови слободи и права, функционирањето на институциите итн. Главно бевме во сите тие амандмани опседнати со прашања кои се исто така важни, но така да кажам ги запоставивме другите прашања со кои треба да се претставиме пред меѓународната заедница воопшто и не само заради претставување туку и заради нас самите, што го подигаат квалтиетот на човековите права, нивната еднаквост и нивната заштита“, рече Камбовски.
Договорот со Софија во преговарачка рамка-европските критериуми надвор
Додаде дека биле фокусирани на преамбулата на Уставот, на одредбите кои се однесуваат на меѓуетничките или националните односи итн. и тие, како што нагласи, се релативно добро уредени, но дека во делот на институциите честопати се појавуваат бројни уставни празнини или недоречености.