Бајден со нов предлог буџет: повисоки даноци за богатите, повеќе пари за одбрана

Американскиот претседател Џо Бајден го објави предлог буџетот со кој се предвидуваат повисоки даноци за богатите, помал дефицит и повеќе пари за одбраната, полицијата, образованието и јавното здравство. Бајден предложи буџет од 5,790 милијарди долари за фискалната 2023 година, која започнува на 1 октомври оваа година. Дефицитот би бил 1,150 милијарди долари.


САД и Г20 работат на глобален данок за корпорациите


Предлогот предвидува данок од најмалку 20 насто на приходот на домаќинствата чии членови заработуваат повеќе од 100 милиони долари. Зголемена е и стапката на корпоративниот данок на доход, на 28 насто, како и највисоката стапка за физичките лица, на 39,6 проценти. За одбрана се наменети 795 милијарди долари, 915 милијарди се за различни програми во земјава, а остатокот е наменет за социјално и здравствено осигурување, како и за камати на државниот долг.