Турција започна копнена и воздушна офанзива во северен Ирак
Турските сили започнаа нова копнена и воздушна прекугранична офанзива против курдските милитанти во северен Ирак, објави рано изутрината турскиот министер за одбрана. Турските воени авиони и артилерија нападнаа цели на Курдистанската работничка партија (ПКК), пред командосите - поддржани од хеликоптери и беспилотни летала - да преминат во соседниот регион, рече министерот за одбрана Хулуси Акар во видео објавено на веб-страницата на министерството. Акар тврди дека авионите „успешно“ погодиле засолништа, бункери, пештери, тунели, складишта за муниција и штабови на ПКК.
Турција спровела воздушни напади на курдска зона во Сирија
Засега нема изјава од курдската милитантна група, која има бази во северен Ирак и ја користи територијата за напади врз Турција. Десетици илјади луѓе се убиени откако ПКК го започна бунтот во мнозинскиот курдски југоисточен регион во Турција во 1984 година. ПКК е прогласена за терористичка организација од Соединетите држави и Европската унија.