Баербок: Талибанската влада оди во погрешна насока
„Нашето влијание врз она што се случува внатре во Авганистан е многу ограничено. Тоа зависи од тоа дали Талибанците ќе направат рационални избори во свој економски интерес, а тоа не е она што тие го прават во моментов“, рече Баербок за време на денешната посета на пакистанската престолнина Исламабад.
„Не е виновен авганистанскиот народ што нивната влада беше соборена од Талибанците“, додаде таа предупредувајќи на можна хуманитарна катастрофа во земјата разурната од војна.
Уништена иднина: Жените во Авганистан под Талибанците
Москва акредитирала дипломат на Авганистан предводен од талибанците
Талибанците ја презедоа контролата врз земјата минатиот август кога меѓународните сили се повлекоа од Авганистан по две децении борби.
Повеќето земји во светот не ја признаваат владата предводена од Талибанците поради загриженост дека милитантите не ги исполнуваат своите ветувања за почитување на човековите права. Сепак, на 17 март, Советот за безбедност на Обединетите нации гласаше за воспоставување официјални врски со Авганистан.