Мишел неделава во Подгорица, Скопје и Приштина

Претседателот на Европскиот совет Шарл Мишел неделава повторно ќе престојува во официјална посета на Западен Балкан, и притоа ќе ги посети Подгорица, Скопје и Приштина, јавија српски медиуми повикувајќи се на информација на Танјуг. Тоа ќе биде втор дел од „балканската турнеја“ на Шарл Мишел. Тој во периодот од 19 до 21 мај ги посети Србија, Албанија и БиХ.


Холандија сега е за приклучување на Скопје и Тирана во ЕУ


Претседателот на Европскиот совет најави дека ќе ги покани лидерите од Западен Балкан, во соработка со Франција, како земја претседавач со Советот на ЕУ, на средба со лидерите на ЕУ на 23 јуни во Брисел, за идејата за формирање Европска геополитичка заедница. Мишел предложи земјите од Западен Балкан да бидат дел од новиот формат што ќе работи на доближување и зајакнување на соработката меѓу европските земји во решавањето на заедничките предизвици, промовирање на мирот, стабилноста и безбедноста на заедничкиот континент.