Нови 511 случаи на ковид-19, двајца починати

Во изминативе 24 часа се регистрирани 511 нови случаи на коронавирус од 1489 тестирања, информира Министерството за здравство. Една четвртина од случаите, односно 129, се реинфекции.



Согласно Регистарот на умрени лица со дијагноза ковид-19 од Мој Термин, регистрирани се две починати лица од Скопје (72г и 88г), едното лице е починато во болнички услови, а другото лице во домашни услови. Лицата се починати на 5 јули 2022 година.



Јавното здравство во принудна пензија


Од вкупниот број нови случаи, во Скопје се регистрирани 276, Куманово, Кавадaрци и Охрид по 27, Велес 23, Битола 22, Тетово 17, Прилеп 15, Штип 13, Струмица и Кочани по 12, Радовиш и Делчево по 6, Гостивар, Струга, Гевгелија и Неготино по 4, Крива Паланка 3, Ресен, Свети Николе и Кратово по 2, и Берово, Валандово и Богданци по еден нов случај.



Регистрирани сe 264 оздравени пациенти од Скопје.



Вкупната бројка на КОВИД-дијагностицирани лица во нашата земја од почетокот на епидемијата изнесува 316.729, бројот на оздравени пациенти е 305.503, на починати е 9.337, а бројот на активни случаи изнесува 1.889.