Во Аеродром се расчистуваат штетите од невремето

Службите во Општина Аеродром се излезени на терен и ги санираат штетите по силното невреме што попладнево ја зафати општината, при што беше причинета материјална штета на повеќе локации, соопшти градоначалникот на оваа скопска општина, Тимчо Муцунски



„Остануваме на терен сѐ додека е потребно и додека не бидат отстранети сите опасности за граѓаните“, напиша Муцунски на Фејсбук .



Тој ги посетил жителите кои претрпеле најголеми штети во временската непогода.


Делови од Скопската котлина попладнево беа зафатени од локално невреме со пороен дожд, грмежи и засилен ветер. Од силниот ветер има и паднати дрва.



Ставен под контрола пожарот кај село Ѓавото, во Кочани од невремето поплавени домови


Синоптичарите најавуваат нестабилно време и за утре, а преодно стабилизирање се очекува во петок, додека за време на викендот во попладневните часови повторно ќе има изолирана појава на нестабилна облачност со пороен дожд и грмежи. Од недела ќе дува засилен северен ветер и ќе има пад на температурата.