Србија и Белорусија разговарале за можен развој на соработката во воена сфера

Претставници на Министерството за одбрана на Белорусија и Србија разговараа за перспективите за развој на односите во воената сфера, јави Белоруската телеграфска агенција (БелТА). БелТА објави дека ја добила оваа информација на 27 јули од Министерството за одбрана на Белорусија.


БелТА наведува дека билатералните консултации за воена соработка меѓу Министерството за одбрана на Белорусија и Министерството за одбрана на Србија биле одржани на 27 јули преку видео врска. На средбата присуствувале полковник Валериј Ревенко, началник на Одделот за меѓународна воена соработка и полковник Небојша Светлица, началник на Одделот за меѓународна воена соработка на Министерството за одбрана на Србија.




Во текот на консултациите, воените ресори разговараа за состојбата и перспективите за развој на билатералните односи во воената сфера. Дополнително, беа договорени предлози за понатамошна соработка меѓу министерствата за одбрана на Белорусија и Србија, објави БелТА.


За оваа средба нема информации на веб-страницата на Министерството за одбрана на Србија.