Лиз Трас е новата премиерка на Обединетото Кралство
Лиз Трас е нова премиерка на Обединетото Кралство и доаѓа на местото на досегашниот премиер Борис Џонсон, кој официјално се повлече од функцијата по неколкумесечните скандали, поради што ја изгуби поддршката на неговата администрација.
Трас (47) беше избрана од владејачката Конзервативна партија за нова лидерка, со што таа автоматски ќе стане и нов шеф на владата.
Нејзин противкандидат беше поранешниот шеф на Министерството за финансии Риши Сунак.
Наследството на популистот Борис Џонсон во Британија
Трас, која беше министерка за надворешни работи во времето на Џонсон, станува трета жена премиер на земјата по Тереза Меј и Маргарет Тачер.
Таа наследува економија која потенцијално оди во долга рецесија и криза со трошоците за живот.
Трас вети намалување на даноците, а исто така, вети дека ќе дејствува брзо во справувањето со енергетската криза.